Vlourido: /* Utilización de obxectos */

2013-10-22T10:00:58Z

Utilización de obxectos

Página nueva

== Utilización de obxectos ==

Para poder instanciar un obxecto dunha clase, esta debeu declararse previamente. Se temos cada clase no seu propio arquivo, deberemos facer un include ou require por cada clase que imos a empregar no script.

<source lang="PHP">
require_once("Produto.php");
require_once("Vendas.php");
require_once("Clientes.php");
...
</source>

'''Nota'''
<div style="margin-left: 2em;">
En PHP5 é posible definir unha función de nome '''[http://www.php.net/manual/es/language.oop5.autoload.php __autoload]''' que faga ese traballo por nos. Cando no script intentemos instanciar un obxecto de unha clase non recoñecida, executarase a función __autoload pasándolle o nome da clase. Na función __autoload teremos poñer o código necesario para incluir a clase.

Por exemplo, o seguinte código inclúe un arquivo co mesmo nome da clase que se está a empregar:

<source lang="PHP">
function __autoload($nome_clase) {
require_once $nome_clase.".php";
}
</source>

O problema coa función __autoload é que soamente permite definir unha función de busca da clase. Para poder definir máis de unha función de carga automática de clases, podemos empregar no seu lugar a función '''[http://es1.php.net/manual/es/function.spl-autoload-register.php spl_autoload_register]'''. O seu funcionamento é semellante ao de __autoload, pero debemos definir a función de carga con calquera nome, e pasarlle ese nome como parámetro. spl-autoload-register leva un rexistro de todas as funcións de carga automática que se lle pasan e executa as funcións de unha en unha para atopar a clase que se lle indica.

<source lang="PHP">
function _blog_autoload($nome_clase) {
require_once $nome_clase.".php";
}
spl_autoload_register('_blog_autoload');
</source>
</div>

Unha vez declarada a clase, xa sexa de xeito automático ou manual, podemos usar a palabra '''[http://www.php.net/manual/es/language.types.object.php new]''' para instanciar obxectos da seguinte forma:

<source lang="PHP">
$p = new Produto();
</source>

Sobre os obxectos podes utilizar o operador '''[http://php.net/manual/es/language.operators.type.php instanceof]''' para comprobar se é ou non unha instancia dunha clase determinada.

<source lang="PHP">
if ($p instanceof Produto) {
…
}
</source>

Para acceder aos atributos e aos métodos públicos do obxecto utilízase o operador frecha "'''->'''" (fíxate que só se pon o símbolo $ diante do nome do obxecto):

<source lang="PHP">
$p->nome = 'Samsung Galaxy S';
$p->get_codigo();
</source>

Para acceder ás constantes dunha clase, non é necesario que exista ningún obxecto da clase. Débese utilizar o nome da clase e o operador "'''::'''", chamado '''[http://www.php.net/manual/es/language.oop5.paamayim-nekudotayim.php operador de resolución de ámbito]'''.

<source lang="PHP">
echo Produto::EURO;
</source>

Cando dende un obxecto se invoca un método da clase, a este pásaselle sempre unha referencia ao obxecto que fixo a chamada. Esta referencia almacénase na variable '''$this'''. Utilízase, por exemplo, para ter acceso aos atributos e métodos privados do obxecto (que só son accesibles dende os métodos da clase).

=== Copia de obxectos e referencias ===

Unha característica da POO que debes ter moi en conta é que sucede cos obxectos cando os pasas a unha función, ou simplemente cando executas un código como o seguinte:

<source lang="PHP">
$p = new Produto();
$p->nome = 'Samsung Galaxy S';
$a = $p;
</source>

En PHP4, a última liña do código anterior crea un novo obxecto cos mesmos valores do orixinal, da mesma forma, que se copia calquera outro tipo de variable. Se despois de facer a copia se modifica, por exemplo, o atributo 'nome' dun dos obxectos, o outro obxecto non se vería modificado.

Non obstante, '''en PHP5 este comportamento varía'''. O código anterior simplemente crearía un novo identificador do mesmo obxecto, o mesmo que sucede cando creamos unha referencia a unha variable empregando o operador "'''&'''". Aínda que haxa dous ou máis identificadores do mesmo obxecto, en realidade todos se refiren á única copia que se almacena deste.

Polo tanto, a partir de PHP5 non podes copiar un obxecto utilizando o operador "'''='''". Se necesitas copiar un obxecto, debes utilizar a palabra '''[http://www.php.net/manual/es/language.oop5.cloning.php clone]'''. Ao utilizar clone sobre un obxecto existente, crea unha copia de todos os atributos deste nun novo obxecto.

=== Comparación de obxectos ===

Ás veces tes dous obxectos e queres saber a súa relación exacta. Para [http://www.php.net/manual/es/language.oop5.object-comparison.php comparar dous obxectos], en PHP5 podes utilizar os operadores "'''=='''" e "'''==='''" (en PHP4 as comparacións de obxectos funcionan de xeito diferente).

Se utilizas o operador de comparación '''==''', comparas os valores dos atributos dos obxectos. Polo tanto dous obxectos serán iguais se son instancias da mesma clase e, ademais, os seus atributos teñen os mesmos valores.

Non obstante, se utilizas o operador '''===''', o resultado da comparación será true só cando as dúas variables sexan referencias ao mesmo obxecto.

=== Funcións de utilidade para clases e obxectos ===

Ademais, en PHP5 inclúense unha serie de [http://es1.php.net/manual/es/ref.classobj.php funcións útiles para o desenvolvemento de aplicacións utilizando POO].

{| class="wikitable"
|-
! Función !! Significado
|-
| '''[http://es1.php.net/manual/es/function.get-class.php get_class]''' || Devolve o nome da clase do obxecto
|-
| '''[http://es1.php.net/manual/es/function.class-exists.php class_exists]''' || Devolve true se a clase está definida ou false no caso contrario
|-
| '''[http://es1.php.net/manual/es/function.get-declared-classes.php get_declared_classes]''' || Devolve un array cos nomes das clases definidas
|-
| '''[http://es1.php.net/manual/es/function.class-alias.php class_alias]''' || Crea un alcume para unha clase
|-
| '''[http://es1.php.net/manual/es/function.get-class-methods.php get_class_methods]''' || Devolve un array cos nomes dos métodos dunha clase que son accesibles dende onde se fai a chamada
|-
| '''[http://es1.php.net/manual/es/function.method-exists.php method_exists]''' || Devolve true se existe o método no obxecto ou a clase que se indica, ou false no caso contrario, independentemente de se é accesible ou non
|-
| '''[http://es1.php.net/manual/es/function.get-class-vars.php get_class_vars]''' || Devolve un array cos nomes dos atributos dunha clase que son accesibles dende onde se fai a chamada
|-
| '''[http://es1.php.net/manual/es/function.get-object-vars.php get_object_vars]''' || Devolve un array cos nomes dos métodos dun obxecto que son accesibles dende onde se fai a chamada
|-
| '''[http://es1.php.net/manual/es/function.property-exists.php property_exists]''' || Devolve true se existe o atributo no obxecto ou a clase que se indica, ou false no caso contrario, independentemente de se é accesible ou non
|}

=== Implicación de tipos ===

A partir da versión 5, PHP incorpora a posibilidade de especificar a clase á que deben pertencer os obxectos que se pasen como parámetros ás funcións. Esta característica chámase '''[http://www.php.net/manual/es/language.oop5.typehinting.php implicación de tipos]''', e tamén pode empregarse con outros tipos como interfaces, arrays (dende PHP 5.1) e tipos "callable".

Chega con indicar o tipo antes do parámetro:

<source lang="PHP">
public function vendeProduto(Produto $p) {
…
}

</source>

Se cando se realiza a chamada, o parámetro non é do tipo axeitado, prodúcese un erro que se poderá capturar.

--[[Usuario:Vlourido|Víctor Lourido]] 20:14 27 jun 2013 (CEST)

Curso POO PHP Utilización de obxectos - Historial de revisiones

Vlourido: /* Utilización de obxectos */