Vlourido en 22:38 21 ene 2014

2014-01-21T22:38:18Z

Página nueva

== Protocolo HTTP ==

O protocolo HTTP baséase no envío de mensaxes de petición e de resposta. Cada unha destas mensaxes componse de:
* Liña de petición ou de resposta.
* Encabezados.
* Corpo da mensaxe (opcional).

=== Mensaxes de petición ===

Nunha mensaxe de petición típica, a primeira liña contén o método da petición, a dirección do recurso e a versión do protocolo HTTP. Por exemplo:

<source lang="php">
GET /imaxes/logo.png HTTP/1.1
</source>

Os '''métodos máis comúns dunha petición HTTP''' son:
* GET. Pide unha representación do recurso especificado (o contido do arquivo correspondente ao recurso).
* HEAD. Pide unha resposta idéntica á que correspondería a unha petición GET, pero sen o corpo da resposta. Isto é útil por exemplo para saber se unha páxina web que o navegador ten almacenada en caché, foi actualizada no servidor.
* POST. Envía datos para que sexan procesados polo recurso identificado. Os datos inclúense no corpo da mensaxe.
* PUT. Sobe un recurso especificado (arquivo) ao servidor.
* DELETE. Borra o recurso especificado.

=== Mensaxes de resposta ===

Nunha mensaxe de resposta, a primeira liña contén a versión do protocolo, un código de estado e unha descrición. Por exemplo:

<source lang="php">
HTTP/1.1 200 OK
</source>

O '''código de resposta''' ou código de estado é un número de tres cifras que serve para indicar se unha petición se recibiu e atendeu correctamente, ou se se produciu calquera problema. O primeiro díxito indica o tipo do código.

* 1 xx (Resposta informativa). Indícalle ao cliente que se recibiu a petición e se está a continuar. Trátase dunha resposta provisional e hai que realizar unha nova transacción HTTP para que se poida obter a reposta definitiva. Non se aconsella que os servidores envíen estas respostas.
* 2 xx (Petición correcta). Indica que a petición recibida anteriormente foi recibida, aceptada e procesada correctamente no servidor.
* 3 xx (Redirección). Indícaselle ao cliente HTTP que ten que realizar algunha acción adicional para que se poida resolver completamente a petición que se realizou.
* 4 xx (Erros do cliente). Recibiuse unha petición cunha sintaxe errónea ou non se puido procesar a petición.
* 5 xx (Erros do servidor). Produciuse un erro no servidor que lle impediu atender e procesar a petición.

Os máis comúns son:

* 200 (OK). É a resposta estándar para peticións correctas.
* 403 (Prohibido). O servidor rexeita responder á solicitude por falta de privilexios (por exemplo, o usuario que o solicita non está autenticado ou non ten permiso).
* 404 (Recurso non encontrado). Utilízase cando o servidor web non encontra a páxina ou recurso solicitado.

=== Encabezados ===

Os encabezados utilízanse en función do método da petición ou resposta, para dar máis información. Hai encabezados xerais (utilízanse tanto en mensaxes de petición coma en mensaxes de resposta), e encabezados específicos para mensaxes de petición ou de resposta. Por exemplo:

* '''Host''' (de petición). Equipo ao que se envía a petición.
* '''User-Agent''' (de petición). Nome e versión do cliente (navegador) e do sistema operativo.
* '''Server''' (de resposta). Nome e versión do software que se executa no servidor web.
* '''MIME-Version''' (xeral). Versión de MIME que utiliza o cliente.
* '''Accept''' (de petición). Tipo de contido que acepta o navegador.
* '''Accept-Language''' (de petición). Idiomas que espera o navegador nas páxinas recibidas.
* '''Accept-Encoding''' (de petición). Sistema de codificación que espera o navegador para o recurso a recibir.
* '''Accept-Charset''' (de petición). Xogo ou conxunto de carácteres que espera recibir o navegador.
* '''Referer''' (de petición). URL dende onde se orixinou a petición (URL da páxina que contiña o enlace).
* '''Location''' (de resposta). Emprégase para redireccionar o navegador a unha nova URL.
* '''Set-Cookie''' (de resposta). Envía unha cookie do servidor ao cliente para que a almacene.
* '''Cookie''' (de petición). Envía ao servidor as cookies almacenadas para o dominio.

Por exemplo, para indicar que a petición vai destinada ao equipo www.iessanclemente.net, engadiríase o seguinte encabezado á mensaxe de petición:

<source lang="php">
Host: www.iessanclemente.net
</source>

Dende PHP podemos empregar a función '''[http://es1.php.net/manual/en/function.header.php header]''' para engadir un encabezado específico á páxina de resposta xerada. Esta función debe empregarse antes de ter xerado calquera tipo de saída no script. Por exemplo, para redireccionar a petición a unha nova páxina, podemos facer:

<source lang="php">
<?php
header("Location: http://www.iessanclemente.net/");
?>
</source>

Temos outras duas funcións relacionadas cos encabezados que poden ser de utilidade:

* Para saber os encabezados que imos a enviar na resposta ao cliente podemos empregar a función '''[http://es1.php.net/manual/en/function.headers-list.php headers_list]'''.
* Para comprobar se aínda non foron enviados os encabezados (e polo tanto aínda estamos a tempo de engadir algún máis) podemos empregar '''[http://es1.php.net/manual/en/function.headers-sent.php headers_sent]'''.

=== Exemplo dunha comunicación HTTP ===

Unha petición HTTP podería ter a seguinte forma:

<source lang="php">
GET /index.html HTTP/1.1
Host: www.iessanclemente.net
User-Agent: Mozilla/5.0 (Windows NT 6.1; WOW64) AppleWebKit/537.4 (KHTML, like Gecko) Chrome/22.0.1229.94 Safari/537.4
[Liña en branco]
</source>

E a súa respectiva resposta:

<source lang="php">
HTTP/1.1 200 OK
Date: Fri, 21 Oct 2021 14:21:29 GMT
Content-Type: text/html
Content-Length: 2221

<html>
<body>
<h1>Encabezado</h1>
(Contido)
…
</body>
</html>
</source>

=== Extensións PHP relacionadas co protocolo HTTP ===

En PHP podemos empregar as seguintes extensións para traballar directamente co protocolo HTTP:

* '''[http://www.php.net/manual/es/book.curl.php cURL]'''. Utiliza a libraría libcurl para funcionar como cliente de varios protocolos, entre eles HTTP e HTTPS.
* '''[http://www.php.net/manual/es/book.http.php HTTP]'''. Facilita entre outras o manexo das mensaxes HTTP.

--[[Usuario:Vlourido|Víctor Lourido]] 02:45 14 jul 2013 (CEST)

Curso POO PHP Protocolo HTTP - Historial de revisiones

Vlourido en 22:38 21 ene 2014