Vlourido: /* Enlace estático en tempo de execución */

2013-08-01T11:34:06Z

Enlace estático en tempo de execución

Página nueva

== Herdanza ==

A [http://www.php.net/manual/es/language.oop5.inheritance.php herdanza] é un mecanismo da POO que nos permite definir novas clases sobre a base doutra xa existente. As novas clases que herdan coñécense tamén co nome de subclases. A clase da que herdan chámase clase base ou superclase.

Por exemplo, podemos crear unha clase base chamada Produto, con algúns atributos e un método que xera unha saída personalizada en formato HTML do código.

<source lang="PHP">
class Produto {
public $codigo;
public $nome;
public $nome_corto;
public $PVP;

public function mostra_codigo() {
print "<p>" . $this->codigo . "</p>";
}
}
</source>

Esta clase é moi útil se a única información que temos dos distintos produtos é a que se mostra arriba. Pero, se queres personalizar a información que vas tratar de cada tipo de produto (e almacenar, por exemplo para os televisores, as polgadas que teñen ou a súa tecnoloxía de fabricación), podes crear novas clases que herden de Producto. Por exemplo, TV, Ordenador, Movil.

<source lang="PHP">
class TV extends Produto {
public $polgadas;
public $tecnoloxia;
}
</source>

Como podes ver, para definir unha clase que herde doutra, simplemente tes que utilizar a palabra '''[http://www.php.net/manual/es/keyword.extends.php extends]''' indicando a superclase. Os novos obxectos que se instancien a partir da subclase son tamén obxectos da clase base; pódese comprobar utilizando o operador '''instanceof'''.

<source lang="PHP">
$t = new TV();
if ($t instanceof Produto) {
// A condición é certa
…
}
</source>

Nas clases herdadas podes definir un novo construtor que redefina o comportamento do que existe na clase base, tal e como farías con calquera outro método. E dependendo de se programas ou non o construtor na clase herdada, se chamará ou non automaticamente ao construtor da clase base.

En PHP5, se a clase herdada non ten construtor propio, chamarase automaticamente o construtor da clase base (se existe). Non obstante, se a clase herdada define o seu propio construtor, deberás ser ti que realice a chamada ao construtor da clase base se o consideras necesario, utilizando para iso a palabra '''parent''' e o operador de resolución de ámbito.

<source lang="PHP">
class TV extends Produto {
...
public function __construct($row) {
parent::__construct($row);
$this->polgadas = $row['polgadas'];
$this->tecnoloxia = $row['tecnoloxia'];
}
}
</source>

A palabra parent fai referencia á clase pai, e emprégase para facer referencia aos métodos orixinais que foron redefinidos na clase filla, como o construtor no exemplo anterior.

=== Herdanza e visibilidade ===

Como vimos cando falamos da [[Curso_POO_PHP_Definición_de_clases|definición de clases]], os membros dunha clase poden ter tres tipos de visibilidade: public, private e protected.

Ademais das diferenzas no acceso aos membros segundo a súa visibilidade, esta tamén afecta á herdanza. Os membros privados dunha clase non están dispoñibles nas clases que herdan desta. Para crear un membro de acceso restrinxido (como os private) e herdable, débese declarar como '''protected'''. Os membros protected dunha clase hérdanse ao igual que os públicos e o acceso aos mesmos restrínxese aos propios membros da clase da mesma forma que sucede co acceso aos membros privados.

=== Enlace estático en tempo de execución ===

Consideremos o que acontece cando herdamos dunha clase que contén un método estático, como no noso exemplo.

<source lang="PHP">
class Produto {
public static function novoProduto() {
self::$num_produtos++;
}
…
}

class TV extends Produto {
private static $num_produtos = 0;
…
}

class Ordenador extends Produto {
private static $num_produtos = 0;
…
}
</source>

O que pretendemos coa herdanza é empregar un mesmo método ''novoProduto'' que conte os números dos artigos de cada unha das clases, de xeito que cando fagamos:

<source lang="PHP">
TV()::novoProduto();
</source>

engada 1 á variable ''$num_produtos'' da clase TV, e cando fagamos:

<source lang="PHP">
Ordenador::novoProduto();
</source>

engada 1 á variable ''$num_produtos'' da clase Ordenador.

Non obstante o código anterior non funciona como esperamos, pois ao compilar encontra no método ''novoProduto'' unha referencia a '''self::$num_produtos''', e intenta enlazar con unha variable da clase a que pertence (''Produto'') que non existe.

Para solventalo temos que indicar a PHP que enlace coa variable en tempo de execución, non en tempo de compilación, e empregue as propiedades da clase que fai a chamada ao método. Isto faise empregando a palabra '''static''' no canto de ''self'' co operador de resolución de ámbito '''::'''.

Tamén teremos que definir as propiedades ''num_produtos'' como ''protected'' para darlles acceso dende o método herdado. Isto é:

<source lang="PHP">
class Produto {
public static function novoProduto() {
static::$num_produtos++;
}
…
}

class TV extends Produto {
protected static $num_produtos = 0;
…
}

class Ordenador extends Produto {
protected static $num_produtos = 0;
…
}
</source>

O mesmo acontece cando temos que acceder ao nome da clase. Se empregamos ''__CLASS__'' dende o método ''novoProduto'' devolveranos ''"Produto"''. Para obter en tempo de execución o nome da clase que fai a chamada teremos que empregar a función '''[http://es1.php.net/manual/es/function.get-called-class.php get_called_class]'''.

Outra forma de arranxar o problema da herdanza de métodos estáticos é emprengando ''[[Curso_POO_PHP_Trazos|trazos]]''.

=== Funcións relacionadas coa herdanza ===

{| class="wikitable"
|-
! Función !! Significado
|-
| '''[http://es1.php.net/manual/es/function.get-parent-class.php get_parent_class]''' || Devolve o nome da clase pai do obxecto ou a clase que se indica
|-
| '''[http://es1.php.net/manual/es/function.is-subclass-of.php is_subclass_of]''' || Devolve true se o obxecto ou a clase do primeiro parámetro, ten como clase base á que se indica no segundo parámetro, ou false no caso contrario
|}

--[[Usuario:Vlourido|Víctor Lourido]] 14:08 28 jun 2013 (CEST)

Curso POO PHP Herdanza - Historial de revisiones

Vlourido: /* Enlace estático en tempo de execución */