Vlourido en 09:00 26 jul 2013

2013-07-26T09:00:08Z

Página nueva

[[Category:Curso POO PHP| 113 - Curso POO PHP]]
== Funcións ==
En PHP temos a nosa disposición gran cantidade de funcións. Destas, moitas están incluídas no núcleo de PHP e pódense usar directamente. Outras moitas encóntranse dispoñibles en forma de extensións, e pódense incorporar á linguaxe cando se necesitan.

Coa distribución de PHP inclúense varias extensións. Para poder usar as funcións dunha extensión, tes que asegurarte de activala mediante o uso dunha directiva extension no ficheiro php.ini. Moitas outras extensións non se inclúen con PHP e antes de poder utilizalas tes que descargalas.

Para obter extensións para a linguaxe PHP podes utilizar '''[http://es1.php.net/manual/es/install.pecl.php PECL]'''. PECL é un repositorio de extensións para PHP. Xunto con PHP inclúese un comando pecl que podes utilizar para instalar extensións de forma sinxela:

<source lang="bash">
# pecl install nome_extensión
</source>

Para facer unha chamada a unha función, abonda con poñer o seu nome e unhas parénteses.

<source lang="PHP">
<?php
encabezado();
?>
</source>

Para [http://es1.php.net/manual/es/functions.user-defined.php crear as túas propias funcións], deberás usar a palabra '''function'''. En PHP non é necesario que definas unha función antes de utilizala, agás cando está condicionalmente definida (por exemplo, a definición da función realízase dentro dun bloque '''if'''). Cando unha función está definida dunha forma condicional as súas definicións deben ser procesadas antes de ser chamadas. Polo tanto, a definición da función debe estar antes de calquera chamada.

<source lang="PHP">
<?php
function encabezado() {
echo "<head>"
echo "<title>Aprendendo PHP</title>"
}
?>
</source>

=== Valor de retorno e argumentos ===

As funcións poden devolver un valor usando a sentenza '''[http://es1.php.net/manual/es/functions.returning-values.php return]'''. Cando nunha función se encontra unha sentenza return, remata o seu procesamento e devolve o valor que se indica.

<source lang="PHP">
<?php
function encabezado() {
return "<head>"."<title>Aprendendo PHP</title>";
}
?>
</source>

Tamén é posible facer que unha función devolva unha referencia a unha variable, e non o seu valor. Isto faise empregando o operador '''&''' tanto na definición da función (e non na sentencia return), como na chamada á función.

<source lang="PHP">
<?php
function &acumula($valor) {
global $acumulador;
$acumulador += $valor;
return $acumulador;
}
?>

// $b pasa a ser unha referencia á variable global acumulador
$b =& acumula(3);
</source>

Os [http://es1.php.net/manual/es/functions.arguments.php argumentos] indícanse na definición da función como unha lista de variables separada por comas. Non se indica o tipo de cada argumento, ao igual que non se indica se a función vai devolver ou non un valor (se unha función non ten unha sentenza return, devolve '''null''' ao finalizar o seu procesamento).

<source lang="PHP">
<?php
function suma($a, $b) {
return $a + $b;
}
?>
</source>

Ao definir a función, podes indicar [http://es1.php.net/manual/es/functions.arguments.php#functions.arguments.default valores por defecto para os argumentos], de forma que cando fagas unha chamada á función podes non indicar o valor dun argumento; neste caso tómase o valor por defecto indicado.

<source lang="PHP">
<?php
function suma($a, $b=0) {
return $a + $b;
}
?>
</source>

Por defecto en PHP os argumentos pásanse por valor, isto é, créase unha nova variable de xeito que calquera cambio que se faga sobre o seu valor dentro da función non afectará ao valor da variable que se pasa como parámetro. Se queres que isto aconteza debes definir o parámetro para que o seu valor se pase [http://es1.php.net/manual/es/functions.arguments.php#functions.arguments.by-reference por referencia], engadindo o símbolo '''&''' antes do seu nome.

<source lang="PHP">
<?php
function suma(&$a, $b) {
$a += $b;
}
?>
</source>

Tamén é posible definir unha función que reciba un [http://es1.php.net/manual/es/functions.arguments.php#functions.variable-arg-list número indefinido de argumentos]. Faise empregando as funcións '''[http://es1.php.net/manual/es/function.func-num-args.php func_num_args]''', '''[http://es1.php.net/manual/es/function.func-get-arg.php func_get_arg]''', e '''[http://es1.php.net/manual/es/function.func-get-args.php func_get_args]'''.

<source lang="PHP">
<?php
function suma() {
$num_sumandos = func_num_args();
for($resultado = 0;$num_sumandos>0;$num_sumandos--;) {
$resultado += func_get_arg($num_sumandos-1);
}
}
?>
</source>

=== Variables estáticas ===

As variables locais a unha función perden o seu valor cando esta remata. Se queres manter o valor dunha variable entre as distintas chamadas a unha función, debes empregar [http://www.php.net/manual/es/language.variables.scope.php#language.variables.scope.static variables estáticas].

<source lang="PHP">
<?php
function acumulador($valor) {
static $total = 0;
$total += $valor;
}
?>
</source>

As variables estáticas inicialízanse soamente a primeira vez que se executa a función.

--[[Usuario:Vlourido|Víctor Lourido]] 14:43 25 jun 2013 (CEST)

Curso POO PHP Funcións - Historial de revisiones

Vlourido en 09:00 26 jul 2013