Antonio en 06:55 7 abr 2016

2016-04-07T06:55:34Z

Página nueva

Neste apartado imos ver como podemos utilizar o VNC en Ubuntu para controlar remotamente equipos, xa sexan equipos tamén con Ubuntu ou outro Linux ou mesmo equipos Windows que teñan instalado un servidor VNC (como UltraVNC).

== Activar a compartición do escritorio en Ubuntu ==

En Ubuntu xa ven instalado por defecto unha implementación do servidor VNC que permite visualizar ou controlar o equipo de forma remota, aínda que ven desactivado. Imos ver como activalo:

<gallery caption="Activar a compartición do escritorio en Ubuntu" widths="350px" heights="300px" perrow="2">
Imagen:Mv_15_vnc_01.png|Antes de comezar, é importante comprobar que na máquina virtual de Ubuntu na que imos activar a compartición do escritorio deshabilitemos a aceleración 3D da pantalla. Aínda que isto fará que a contorna gráfica de Ubuntu vaia máis lenta, con esta opción activada o escritorio remoto non se visualiza correctamente.
Imagen:Platega_mv1112_compartir_escritorio_ubuntu_01.jpg|Lanzamos a aplicación de '''Compartición de Escritorio'''.
Imagen:Platega_mv1112_compartir_escritorio_ubuntu_02.png|Activamos as opcións de '''Permitir que outros usuarios vexan o seu escritorio''' e '''Permitir que outros usuarios controlen o seu escritorio'''. Activamos tamén a opción de '''Requirir que o usuario introduza o contrasinal''' e poñemos un contrasinal para autenticar o acceso a control do equipo.
</gallery>

== Visualizar escritorios remotos en Ubuntu ==

Imos ver como podemos visualizar e controlar equipos remotos dende Ubuntu, tantose estes equipos tamén son Linux coma se son Windows, e usando o cliente VNC ou un navegador web.

=== Visualizar escritorios de equipos Linux ===

Existen varias aplicacións en Ubuntu para visualizar escritorios remotos. Imos utilizar o ''Visualizador de escritorios remotos'' aínda que tamén poderíamos facer uso de ''Remmina'', que é outra aplicación que ven instalada por defecto.

<gallery caption="Visualizar escritorios de equipos Linux" widths="350px" heights="300px" perrow="2">
Imagen:Vnc_ubuntu_01.png|En primeiro lugar usaremos o ''Centro de Software de Ubuntu'' para instalar a aplicación de ''Visualizador de escritorios remotos'' (se se ten configurado como idioma da sesión o castelán, buscaremos o ''Visor de escritorios remotos'').
Imagen:Platega_mv1112_compartir_escritorio_ubuntu_03.jpg|Lanzamos a aplicación de '''Visualizador de escritorios remotos''' (igual que antes, en castelán ''Visor'').
Imagen:Platega_mv1112_compartir_escritorio_ubuntu_04.jpg‎|Picamos no botón de '''Conectar'''
Imagen:Vnc_ubuntu_02.png|Nesta ventá é onde podemos indicar os datos para establecer a conexión. En primeiro lugar seleccionamos o protocolo VNC (esta aplicación permite conectarnos a escritorios remotos usando tamén outros protocolos). Introducimos a dirección IP do equipo ao que nos queremos conectar, e nesta ocasión para mostrar outra opción tamén posible, engadimos o porto separado por "::" (tamén poderíamos usar o número de pantalla, poñendo ":0" ou ":1"). Abaixo temos outras opcións para a conexión.
Imagen:Vnc_ubuntu_03.png|Pídesenos o contrasinal para poder conectarnos ao servidor VNC
Imagen:Platega_mv1112_compartir_escritorio_ubuntu_08.jpg‎|Vista dun equipo Ubuntu controlando outro equipo Ubuntu.
</gallery>

=== Visualizar escritorios de equipos Windows ===

A visualización de escritorios de equipos Windows faise da mesma maneira que as dos equipos con Linux:

<gallery caption="Visualizar escritorios de equipos Windows" widths="350px" heights="300px" perrow="2">
Imagen:Platega_mv1112_vnc_ubuntu_win7_01.png|Lanzamos o visualizador de escritorios remotos e picamos en '''Conectar'''. Seleccionamos protocolo VNC, introducimos a dirección IP do equipo seguida de ":0" (igual que cando nos conectamos usando o UltraVNC en Windows, neste caso é máis cómodo) e picamos en '''Conectar'''.
Imagen:Platega_mv1112_vnc_ubuntu_win7_02.png‎|Pídesenos o contrasinal para acceder ao servidor VNC. Un problema que teremos neste caso é que a conexión non funcionará xa que o servidor VNC no equipo Windows está configurado para autenticar por MS Logon, xa que o cliente VNC de Ubuntu non soporta este tipo de autenticación. Nese caso dende Ubuntu podemos usar outro cliente VNC ou usar o navegador web, seguindo os pasos que veremos no seguinte apartado.
Imagen:Platega_mv1112_vnc_ubuntu_win7_03.jpg|Vista de equipo Ubuntu controlando un equipo Windows.
</gallery>

== Configurar o inicio do servidor VNC automaticamente para todos os usuarios ==

A configuración que utilizamos nos apartados anteriores para o servidor VNC en Ubuntu (activando a compartición de escritorio) ten dous inconvenientes:

* A configuración só é efectiva para o usuario co que a fixemos (''uadmin'') pero se inicia sesión outro usuario calquera no equipo tería que activar expresamente a compartición do escritorio tamén para que se poida ver e controlar o escritorio na súa sesión (Isto non pasa co servidor UltraVNC en Windows, xa que se rexistra como un servizo de Windows e se executa automaticamente ao iniciar o equipo). Dependendo do contorno en que nos atopemos, a opción da configuración por usuario pode ser válida, pero se temos moitos usuarios non resulta moi factible pedir que todos activen de forma individual a compartición do escritorio.
* A aplicación de compartición de escritorio da Ubuntu 14.04 presenta unha incompatibilidade con UltraVNC no mecanismo de autenticación, que provocará un erro se intentamos visualizar o escritorio dende un equipo Windows.

Por iso imos ver outra opción para instalar o servizo VNC en Ubuntu, que si nos permitirá activar a compartición do escritorio para todos os usuarios do sistema á vez que nos permitirá conectarnos sen problema dende un equipo Windows con UltraVNC

É moi importante ter en conta que para que non teñamos conflitos entre distintos servidores VNC é preferible desactivar a compartición de escritorio no equipo en que imos utilizar esta segunda opción (nos pasos que se mostran a continuación úsase agora a máquina que antes só se usou como cliente VNC):

<gallery caption="Configurar o inicio do servidor VNC automaticamente para todos os usuarios" widths="350px" heights="300px" perrow="2">
Imagen:Platega_mv1112_x11vnc_01.jpg|Usando o Centro de software de Ubuntu, buscamos un paquete chamado ''Servidor X11vnc''.
Imagen:Platega_mv1112_x11vnc_02.png‎|Imos establecer o contrasinal que se vai utilizar para autenticar a conexión contra o servidor VNC, usando o comando '''sudo x11vnc --storepasswd /etc/x11vncpasswd'''. Este comando pediranos o contrasinal que queremos establecer (ollo que ao introducir o contrasinal non se verá nada no terminal, nin sequera asteriscos), e almacena un resumo do mesmo (usando unha función ''hash'') no ficheiro que lle indicamos (''/etc/x11vncpasswd'').
Imagen:Platega_mv1112_x11vnc_03.png|O ficheiro que almacena o resumo do contrasinal debe ser lexible por todos os usuarios, xa que todos iniciarán o servizo x11vnc no inicio de sesión. Co comando '''sudo chmod 644 /etc/x11vncpasswd''' establecemos os permisos necesarios sobre este ficheiro.
Imagen:Platega_mv1112_x11vnc_04.png‎|Temos que crear un ficheiro co extensión ''".desktop"''' na carpeta ''/etc/xdg/autostart'' para que no inicio de sesión de todos os usuarios se execute o comando que nos interesa (que é ''x11vnc -rfbauth /etc/x11vncpasswd -bg -forever'', que lanza o servizo x11vnc autenticando os usuarios co contrasinal do ficheiro ''/etc/x11vncpasswd'' en segundo plano e relanzando o servizo despois de que o cliente se desconecte). Na imaxe se mostra o contido que se propón para este ficheiro, neste caso co nome ''x11vnc.desktop''. Pode crearse o ficheiro partindo dunha copia dalgún dos moitos ficheiros ''.desktop'' que se atopan na carpeta. Despois de gardar o ficheiro, teremos que pechar a sesión e iniciar unha sesión con calquera usuario para que se lance o servizo.
Imagen:Platega_mv1112_x11vnc_05.png|Imaxe dun cliente Ubuntu (estase usando o equipo que nos anteriores apartados se usou como servidor VNC) conectándose ao servidor VNC.
Imagen:‎Platega_mv1112_x11vnc_06.png|Teremos que introducir o mesmo contrasinal que almacenamos no ficheiro ''/etc/x11vncpasswd''.
</gallery>

== Visualizar escritorios de equipos Linux con UltraVNC ==

Imos ver para rematar como utilizar o cliente de UltraVNC en Windows para controlar equipos Linux que teñan o servidor VNC instalado e activado:

<gallery caption="Visualizar escritorios de equipos Linux con UltraVNC" widths="350px" heights="300px" perrow="2">
Imagen:Ultravnc_24.png|Introducimos a dirección IP e pantalla do equipo ao que nos queremos conectar.
Imagen:Platega_mv1112_compartir_escritorio_ubuntu_10.png‎|Introducimos o contrasinal para autenticarnos no servizo VNC remoto.
Imagen:Platega_mv1112_compartir_escritorio_ubuntu_11.jpg|Vista de equipo Windows controlando equipo Ubuntu.
</gallery>

-- [[Usuario:Antonio|Antonio de Andrés Lema]] e [[Usuario:Carrion|Carlos Carrión Álvarez]] --

Control remoto dende equipos Linux - Historial de revisiones

Antonio en 06:55 7 abr 2016