Antonio: /* Almacenamento dos aneis de chaves */

2015-03-27T21:21:15Z

Almacenamento dos aneis de chaves

Página nueva

== Os aneis de chaves ==

Imos facer un inciso neste apartado sobre un aspecto que pasamos por alto cando estábamos [[Compartir_ficheiros:_SAMBA#Montar_a_carpeta_compartida_dende_Ubuntu|accedendo dende Ubuntu a carpetas compartidas de Windows]]. Nalgúns casos, ao montar a carpeta compartida no equipo Ubuntu marcamos a opción de '''Recordar sempre''' para non ter que volver a poñer as credenciais do usuario do equipo Windows ao montar a carpeta en Ubuntu.

Pero onde se almacenan os contrasinais que introducimos en Ubuntu para acceder a unha carpeta compartida se marcamos que se recorden para sempre? E os contrasinais das wifis ás que nos conectamos e tamén gardamos no equipo? E os contrasinais que almacenamos de páxinas web ás que accedemos? A resposta é o '''Anel de chaves''', que son uns arquivos onde se almacenan credenciais (usuarios e contrasinais) que o usuario vai usando e dicindo que se almacenen. Cada usuario que inicia sesión e Ubuntu, ten o seu propio ''anel de chaves''.

== Xestionar os contrasinais almacenados ==

Para coñecer as credenciais que se foron almacenando:

<gallery caption="Administrar o Anel de chaves" widths="300px" heights="300px" perrow="2">
Imagen:Plat_sl_12_chaves_01.png| Dende o ''Dash'', iniciamos a aplicación de '''Contrasinais e chaves de cifrado'''.
Imagen:Plat_sl_12_chaves_02.png| No apartado '''Contrasinais''' están as credenciais almacenadas. Facemos dobre clic sobre a que almacena o contrasinal de acceso ao equipo ''wclient'' co usuario ''admin'' (Obsérvese que tamén está almacenado o contrasinal do usuario ''Administrador'', que tamén se usou para acceder a ''wclient'').
Imagen:Plat_sl_12_chaves_03.png| A lapela '''Chave''' (En inglés é ''Key'' e foi traducida como ''tecla'', que tamén o é, pero non neste contexto), permítenos ver o usuario co que se accede ao equipo ''wclient'' e o seu contrasinal.
Imagen:Plat_sl_12_chaves_04.jpg| Se se desexa pódese eliminar a chave (botón dereito do rato) e sería como se nunca se almacenara.
Imagen:Plat_sl_12_chaves_07.jpg| Nesta captura do anel de chaves de outro usuario noutro equipo, vense unha chea de contrasinais de chaves almacenadas de wifis, páxinas web, etc.
</gallery>

== Establecer un contrasinal para un anel de chaves ==

<gallery caption="Establecer un contrasinal para un anel de chaves" widths="350px" heights="300px" perrow="2">
Imagen:Plat_sl_12_chaves_05.jpg| Por defecto, o anel de chaves das contrasinais está protexido co propio contrasinal do usuario, por iso o usuario pode abrilo automaticamente cando inicia sesión. Pero se queremos podemos cambiar este contrasinal, e entón será necesario introducilo cada vez que unha aplicación queira acceder a un contrasinal almacenado. Facemos clic co botón dereito do rato sobre a carpeta de '''Inicio de sesión''' e seleccionamos a opción de '''Cambiar o contrasinal'''.
Imagen:Ud_15_contras_07.png| Primeiro temos que introducir o contrasinal antigo (que será o propio do usuario).
Imagen:Plat_sl_12_chaves_06.png| E agora e o novo que queiramos establecer, por duplicado.
Imagen:Plat_sl_12_chaves_06b.jpg| Se pechamos a sesión e iniciamos de novo, para acceder á carpeta compartida do equipo Windows, Ubuntu pregúntanos o contrasinal para poder abrir o anel de chaves e obter as credenciais necesarias para acceder á carpeta compartida.
</gallery>

== Almacenamento dos aneis de chaves ==

E alguén pode preguntarse, ¿onde se almacena realmente estes aneis de chaves e como? Pois como o anel de chaves é particular de cada usuario, como todo o relativo a un usuario en Linux gárdase na súa carpeta persoal, pero nunha carpeta oculta. En concreto, neste caso almacénanse na carpeta '''keyrings''' (''aneis de chaves'') dentro da carpeta oculta '''.local/share''' na carpeta persoal do usuario.

Dentro podemos atopar un ficheiro que almacena a información de cada anel de chaves que teña o usuario; por exemplo neste caso atopamos un co nome '''login.keyring''' (''login'' é o nome do anel de chaves). Abrímolo e...

[[Archivo:Plat_sl_12_chaves_08.jpg|600px]]

Non poderemos ver nada, nin un contrasinal dos almacenados. Toda a información do anel de chaves está cifrada usando o contrasinal do anel, e só usando ese contrasinal se pode descifrar esa información e obter os contrasinais.

-- [[Usuario:Antonio|Antonio de Andrés Lema]] e [[Usuario:Carrion|Carlos Carrión Álvarez]]

Contrasinais e chaves de cifrado - Historial de revisiones

Antonio: /* Almacenamento dos aneis de chaves */