Antonio en 22:12 22 ene 2017

2017-01-22T22:12:45Z

Página nueva

==Introdución==
*Xa vimos que o no servidor os usuarios do LDAP xa poden acceder aos seus ''homes'' e a ''comun''.
*Imos agora configurar os clientes para que os usuarios do LDAP a parte de iniciar sesión poidan acceder aos seus datos que están no servidor NFS..

== Instalación do cliente NFS ==

* Para poder acceder á carpetas compartidas por NFS, no equipo cliente teremos que instalar o paquete '''nfs-common''':
sudo apt-get install nfs-common

== Montaxe dunha carpeta por NFS mediante comandos ==
*Dende o cliente, baseándose para este punto nas exportacións de ''dserver00'':
/home/iescalquera 172.16.5.0/255.255.255.0(rw)
/comun 172.16.5.0/255.255.255.0(rw)

*Podemos montar unha carpeta compartida por NFS noutro equipo sobre una carpeta local utilizando o comando '''mount'''. A sintaxe será a seguinte:

'''sudo mount [-t nfs]''' ''equipo_servidor_NFS'':''carpeta_compartida_NFS'' ''punto_de_montaxe''

*A opción de ''-t nfs'' podemos utilizala para indicar que o tipo de unidade que imos montar é unha carpeta compartida por NFS, pero non é necesario poñelo xa que o comando detectará o tipo de partición automaticamente.

*Primeiro imos crear as carpetas no cliente ''uclient01'' onde se montarán as comparticións exportadas por ''dserver00''. Os puntos de montaxe poden ser en calquera carpeta, pero:
**Se na configuración home de cada usuario LDAP lle indicamos que o seu cartafol persoal están en /home/iescalquera/...
**Cando esteamos no cliente e iniciemos sesión cun usuario do dominio vai esperar atopar o seu cartafol persoal en /home/iescalquera/...
**Co cal, debemos crear unha carpeta no cliente que coincida co que se lle indicou na configuración home a cada usuario.
*Para '''comun''' imos montala en /media pois Ubuntu todo dispositivo montado en '''/media''' o amosa como unha icona directamente no lanzador, e queda moi cómodo para ir a ''comun''.

'''sudo mkdir /home/iescalquera
'''sudo mkdir /media/comun

*Imos agora a montar facer probas con un deles até deixalo definitivamente configurado.
'''sudo mount dserver00:/home/iescalquera /home/iescalquera
#Tamén podemos poñer a IP do servidor, ou dserver00.iescalquera.local

*Probas de funcionamento. Lembrar que pia é unha alumna de dam2. Imos ver onde pode acceder e onde non e así comprobamos que funcionan os permisos.

'''uadmin@uclient01:~$ su - pia
Contrasinal:

'''pia@uclient01:~$ pwd
/home/iescalquera/alumnos/dam2/pia

'''pia@uclient01:~$ ls /home/iescalquera/alumnos/
dam1 dam2

'''pia@uclient01:~$ ls /home/iescalquera/alumnos/dam1
mon tom

'''pia@uclient01:~$ ls /home/iescalquera/alumnos/dam1/mon
ls: non se pode abrir o directorio /home/iescalquera/alumnos/dam1/mon: Permiso denegado

'''pia@uclient01:~$ ls /home/iescalquera/profes
ls: non se pode abrir o directorio /home/iescalquera/profes: Permiso denegado

'''pia@uclient01:~$ exit
logout

== Montaxe automático dunha carpeta NFS no arranque do sistema ==

* O inconveniente de montar a carpeta por NFS utilizando o comando ''mount'' é que ao reiniciar o equipo esta montaxe realizada non permanecerá. Se queremos que o equipo cliente monte automaticamente cada vez que arranque algunha carpeta compartida por NFS noutra máquina sobre un directorio local, introduciremos unha liña no ficheiro '''/etc/fstab''' coa seguinte sintaxe:

''equipo_servidor_NFS'':''carpeta_compartida_NFS'' ''punto_de_montaxe'' nfs ''opcións''

* Por exemplo, no caso do apartado anterior a liña sería:
#Pódese usar a IP do servidor
dserver00:/home/iescalquera /home/iescalquera nfs defaults,_netdev 0 0
dserver00:/comun /media/comun nfs defaults,_netdev 0 0

* O parámetro '''_netdev''' é para indicarlle ao cliente que ese punto de montaxe é de rede e que non trate de montalo até que a rede estea dispoñible.

* Podemos utilizar o comando ''mount'' para montar todas as carpetas indicadas no ficheiro ''/etc/fstab'' que non estean montadas (así podemos simular o que fai o sistema no arranque):

sudo mount -a

* Comprobación

'''mount
/dev/sda1 on / type ext4 (rw,errors=remount-ro)
...
dserver00:/home/iescalquera on /home/iescalquera type nfs4 (rw,relatime,vers=4.0,rsize=65536,wsize=65536,namlen=255,hard,proto=tcp,port=0,timeo=600,retrans=2,sec=sys,clientaddr=172.16.5.20,local_lock=none,addr=172.16.5.10,_netdev)
dserver00:/comun on /media/comun type nfs4 (rw,relatime,vers=4.0,rsize=65536,wsize=65536,namlen=255,hard,proto=tcp,port=0,timeo=600,retrans=2,sec=sys,clientaddr=172.16.5.20,local_lock=none,addr=172.16.5.10,_netdev)

*Agora o lector pode validarse en modo consola cos usuarios do dominio e comprobar os permisos aplicados ás carpetas persoais e de ''comun''.

==Iniciar sesión en modo gráfico==
* Pero agora se desexamos iniciar sesión en modo gráfico imos ver que non hai maneira de teclear o nome de usuario dun membro do dominio, só usuarios locais.
[[Image:Dl_2014_nfs_33.jpeg]]

* Para iso editamos o seguinte ficheiro:
'''sudo nano /usr/share/lightdm/lightdm.conf.d/50-ubuntu.conf

* E engadimos esta liña:
greeter-show-manual-login=true

* Reiniciamos o ordenador ou o servizo ''lightdm''
sudo service lightdm restart

===Experimentación e modo gráfico===
*E agora xa podemos iniciar sesión cun usuario do dominio.
*Imos iniciar con '''noe''': profesor de '''dam2'''.

<gallery caption="Experimentación en modo gráfico" widths="350pxpx" heights="370px" perrow="2">
Image:Dl_2014_nfs_35.jpeg| Iniciamos con noe.
Image:Dl_2014_nfs_36.jpeg| Vemos que aparece no '''Lanzador''' e en '''Nautilus''' un acceso a ''comun'' (Lembrar que está montado en /media/comun). E tamén está o cartafol do usuario noe, onde se crearon un montón de cartafois no momento que iniciou sesión en modo gráfico. Tamén está o enlace '''Exemplos''' que era o que estaba en skel (Examples.desktop).
Image:Dl_2014_nfs_37.jpeg| En común están os cartafois que creamos ao comezo desta parte.
Image:Dl_2014_nfs_38.jpeg| Como noe é profesor so de ''dam2'', en ''comun/dam1'' pode entrar a ver pero non pode crear nada.
Image:Dl_2014_nfs_39.jpeg| En cambio si pode crear en ''comun/dam2''.
Image:Dl_2014_nfs_40.jpeg| Se imos a '''Computador''' e cartafol '''home'''
Image:Dl_2014_nfs_41.jpeg| Vemos a carpeta home do usuario local '''uadmin''' e o cartafol iescalquera onde están as carpetas dos usuarios do dominio. Que o lector/a interactue con elas e vexa que se aplica a lóxica.
Image:Dl_2014_nfs_42.jpeg| Neste caso noe está vendo a carpeta dunha alumna súa de 2º de DAM. Como pia aínda non entrou, por iso so ten ese enlace que copiamos do ''skel'' cando lle creamos a carpeta.
Image:Dl_2014_nfs_43.jpeg| Se pechamos sesión vemos que amosa os usuarios que iniciaron sesión no equipo.<br> Se non se desexara, por seguridade, que non se amosaran os usuarios que iniciaron sesión no equipo habería que engadir esta liña '''greeter-hide-users=true''' ao mesmo ficheiro onde habilitamos que nos permitise entrar cos usuarios do dominios: '''/usr/share/lightdm/lightdm.conf.d/50-ubuntu.conf'''.
</gallery>

*O seguinte amosa un ''tree'' dende o servidor ''dserver00'' para mostrar que as carpetas creadas no ''home'' de ''noe'' cando iniciou sesión en modo gráfico en realidade está almacenadas no servidor.

'''root@dserver00:~# tree /home/iescalquera/profes/
/home/iescalquera/profes/
├── noe
│   ├── Descargas
│   ├── Documentos
│   ├── Escritorio
│   ├── examples.desktop
│   ├── Imaxes
│   ├── Modelos
│   ├── Música
│   ├── Público
│   └── Vídeos
└── sol
└── examples.desktop

10 directories, 2 files

== Agregar accesos directos (Marcadores) ás carpetas montadas por NFS ==
*No visto até agora, cando entra un usuario:
**Alumno, ten a súa carpeta persoal e ''comun'' facilmente accesibles.
**Profe, tamén ten facilmente accesible a súa carpeta persoal e ''comun'', pero non así coa carpeta dos alumnos para cando quere ir ver o traballo realizado por un dos seus alumnos.
**Neste último caso tería que navegar pola estrutura de carpetas, home -> iescalquera -> alumnos -> curso -> alumno.

*Sería interesante que aos usuarios profesores lles aparecera automaticamente un marcador (acceso directo ou favorito) no '''nautilus''', como se amosa na imaxe:

[[Image:Dl_2014_nfs_44.jpeg|400px]]

*Pois co uso de '''marcadores (Acceso directo)''' (Carpetas favoritas) podemos facilitar esta operación, creando un script de inicio de sesión que se execute cando entra o usuario.
**Se o usuario que entra é un:
***profe: creamos ese marcador
***alumno: non facemos nada.

*O que faremos no script é modificar o ficheiro '''.config/gtk-3.0/bookmarks''', que é onde se almacenan os marcadores, e está almacenado na carpeta persoal do usuario, para engadir unha liña por cada carpeta á que queiramos enlazar da seguinte forma:
file://''RutaDaCarpeta'' ''NomeFavorito''

Así, por exemplo, se queremos engadir enlaces ás carpetas ''/home/iescalquera/alumnos'' engadiremos a liña:
file:////home/iescalquera/alumnos Alumnos

*Imos crear un script para que cree este ficheiro: '''sudo nano /opt/engadir_marcadores.sh''' (ou gedit no canto de nano)
*Lembrar que se vai executar xusto no momento no que un usuario calquera inicia sesión:

<syntaxhighlight lang="bash" enclose="div" line highlight="">
#!/bin/bash
#Comprobamos se o usuario que inicia sesión é un profe.
#E non ten creado o favorito
if (groups ${u} | grep profes) && !(cat ~/.config/gtk-3.0/bookmarks| grep Alumnos)
then
#Engadimos o favorito ao ficheiro pero non machacamos o ficheiro porque
#o usuario xa pode ter por se mesmo creados marcadores dende o contorno gráfico.
echo file:///home/iescalquera/alumnos Alumnos>>~/.config/gtk-3.0/bookmarks
fi
</syntaxhighlight>

*E poderiamos invocar ese script dende o script '''/etc/profile''', que se executa no inicio de sesión dos usuarios.
*Engadiríamos a liña en negriña (editalo con sudo nano ou sudo gedit):
# /etc/profile: system-wide .profile file for the Bourne shell (sh(1))
# and Bourne compatible shells (bash(1), ksh(1), ash(1), ...).
'''sh /opt/engadir_marcadores.sh

if [ "$PS1" ]; then
if [ "$BASH" ] && [ "$BASH" != "/bin/sh" ]; then
# The file bash.bashrc already sets the default PS1.
# PS1='\h:\w\$ '
if [ -f /etc/bash.bashrc ]; then
. /etc/bash.bashrc
fi
else
if [ "`id -u`" -eq 0 ]; then
PS1='# '
else
PS1='$ '
fi
fi
fi

# The default umask is now handled by pam_umask.
# See pam_umask(8) and /etc/login.defs.

if [ -d /etc/profile.d ]; then
for i in /etc/profile.d/*.sh; do
if [ -r $i ]; then
. $i
fi
done
unset i
fi

Na seguinte imaxe podemos ver o efecto na sesión dun usuario profesor/a, co acceso que se creou grazas ao script:

<gallery caption="" widths="350pxpx" heights="370px" perrow="2">
Image:Dl_2014_nfs_44.jpeg| O marcador a Alumnos.
Image:Dl_2014_nfs_45.jpeg| O usuario por exemplo se o desexa pode engadir el marcadores. Por exemplo situándose na carpeta de alumnos dam2 Engade un Marcador.
Image:Dl_2014_nfs_46.jpeg| E está xunto co se lle inclui de modo automático. Se o usuario o desexa pode ir á súa carpeta persoal, premer '''CTRL+H''' (para ver os ocultos) e ir ao cartafol a '''.config/gtk-3.0''' para ver o contido do ficheiro '''bookmarks'''
</gallery>

== Instantáneas do escenario 2-A: NFS ==

*Configuramos o cliente '''uclient02''' ao igual que '''uclient01'''.

*Ao igual que nos escenarios anteriores, imos facer instantáneas do escenario 2.A

<gallery caption="Instantáneas" widths="350pxpx" heights="250px" perrow="2">
Dl_2014_escenario_2A_01.jpeg|En ''dserver00''
Dl_2014_escenario_2A_02.jpeg|En ''uclient01''
Dl_2014_escenario_2A_03.jpeg|En ''uclient02''
</gallery>

-- [[Usuario:antonio| Antonio de Andrés Lema]] e [[Usuario:Carrion| Carlos Carrión Álvarez]]

Configuración do cliente NFS - Historial de revisiones

Antonio en 22:12 22 ene 2017