Carrion en 17:29 19 abr 2014

2014-04-19T17:29:20Z

Página nueva

Unha vez instalado o servidor server00 co sistema Ubuntu Server, explicarase como configurar a rede, todo ordenador debe ter:
*Para comunicarse con outro ordenador: un Enderezo IP e unha máscara de rede.
*Para comunicarse co exterior: unha porta de enlace.
*Para resolver nomes de dominio a Ips: uns servidores DNS ós que preguntar.

Revísese os [[Obxectivos e escenario da Parte I]] que se persegue e adáptese ás circunstancias concretas de cada quen.

 
<h2 style="margin:0; background:#E6ECFF; font-size:100%; border:1px solid #cccccc; text-align:left; padding:0.2em 0.4em; -moz-border-radius:6px">[[Imagen:aprende.png|left]]'''LEMBRAR EN UBUNTU DESKTOP'''
 
Para coñecer/repasar como configurar a rede en Ubuntu Desktop hai estas dúas opcións:
*[[Configuración básica da rede]] do cliente. Cada quen que adapte o exposto no material ó escenario I ou as súas circunstancias.
*[[Configuración IP en Ubuntu 8.10. Nome de equipo. Conectividade]] do cliente. Cada quen debe adaptarse ó escenario I e as súas circunstancias, para que se poida ter conexión co servidor e con internet.
</h2>

== Ficheiros que se usan nesta sección ==
=== /etc/network/interfaces ===
* '''Descrición''': almacena a configuración IP das interfaces de rede.
* '''Sintaxe''':
<pre>
# Este ficheiro describe as interfaces de rede dispoñibles no sistema
# e como activalas. Para máis información: man interfaces.

# A interface de rede loopback
auto lo
iface lo inet loopback
address 127.0.0.1
netmask 255.0.0.0

auto eth0
iface eth0 inet static
address 10.0.0.100
netmask 255.0.0.0

iface eth1 inet dhcp
</pre>
Para ver o ficheiro de interfaces pódese teclear o seguinte:
<pre>
more /etc/network/interfaces
</pre>

* '''Exemplos de configuración''':
'''auto interface''': a interface indicada iníciase no momento de encender o ordenador 
'''iface eth1 inet dhcp''': Configurar o interface eth1 co protocolo IPv4(inet) e que obteña a IP por DHCP 
'''iface eth0 inet static''': Igual ó anterior salvo que a ip especifícase manualmente. 
*Observar como eth1 non se vai iniciar cando se inicie o sistema, pois non está auto eth1 no ficheiro /etc/network/interfaces.

=== /etc/resolv.conf ===
* '''Descrición''': almacena a configuración DNS cliente, isto é, cal/es é o/s dominio/s, cales son os servidores DNS, etc.
* '''Sintaxe''':
<pre>
search iessanclemente.net
nameserver 10.0.0.36
nameserver 4.2.2.2
</pre>

*'''Exemplos de configuración''':
'''search:''' engade o dominio iessanclemente.net ás consultas para tentar resolver os nomes dentro da nosa rede. Por exemplo, se o noso dominio é iessanclemente.net e tentamos facer un ping ao equipo pc1 dentro da nosa rede, non será necesario teclear o nome completo, é dicir, ping pc1.iessanclemente.net, senón que automaticamente a consulta DNS será pc1.iessanclemente.net se tecleamos ping pc1.

'''nameserver:''' especifica os servidores DNS que se usarán para resolver nomes a direccións IP. Pode haber varios servidores DNS e consultaranse na orde especificada.

Se o servidor DNS se obtén dinamicamente mediante DHCP as entradas no ficheiro resolv.conf se sobrescribirán.

{{Alerta|Importante na versión 12.04:|Un dos cambios da nova versión 12.04 é que o ficheiro '''/etc/resolv.conf'' só é un ficheiro dinámico que contén a configuración dns do equipo.
É dicir, o que se modifique neste ficheiro perderase ao reiniciar. Para fixar unha configuración DNS (sen DHCP) debemos creala no ficheiro:
'''/etc/resolvconf/resolv.conf.d/tail'''
do mesmo xeito que anteriormente.}}

=== /etc/hosts ===
* '''Descrición''': almacena a lista de hosts locais: nomes locais asociados IPs (locais ou non). Cando o computador tenta achar o enderezo IP dun equipo, primeiro acudirá a este ficheiro antes que ao servidor de nomes DNS. Se a dirección IP está no ficheiro /etc/hosts o DNS non se usará (isto pode cambiarse editando o ficheiro /etc/nsswitch.conf e cambiando a orde en que se fai a busca).
* '''Sintaxe''':
<pre>
127.0.0.1 equipo localhost
69.50.12.40 x xunta equipo.ola.veran
</pre>

* '''Exemplos de configuración''':
'''127.0.0.1 equipo localhost''', tanto se se fai ping a equipo como a localhost, a rsolución de nomes vai dar como IP 127.0.0.1

''' 69.50.12.40 x xunta equipo.ola.veran''', neste caso tanto os nomes x, xunta, equipo.ola.veran teñen asociada a IP 69.50.12.40

A diferencia de Windows, o cliente de DNS de Linux non almacena os resultados obtidos do DNS en caché.

== Comandos que se usaran nesta sección ==

=== ifconfig ===
* '''Descrición''': Mostra e modifica a configuración das interfaces de rede e a configuración IP do equipo
* '''Sintaxe''':
ifconfig [-v] [-a] [-s] [interface]
ifconfig [-v] interface [aftype] options | address ...

* '''Opcións principais''':
'''-a''': Mostra a información de todas as interfaces de rede do equipo, incluíndo as que non están activadas 
'''interface''': Indicando o nome dunha interfaz de rede do equipo, mostra ou modifica a configuración dese interfaz 
'''up|down''': Activa ou desactiva unha interfaz 
'''address''': Dirección IP para asignar a esta interfaz 
'''netmask mascara''': Máscara de rede para asignar a esta interfaz

*'''Exemplo''': Para asignar a dirección IP e a máscara de rede a unha interfaz de rede:
ifconfig ethX 10.0.0.100 netmask 255.0.0.0 up

Con isto pola interface ''ethX'' de rede débese ter acceso á rede local. Sen embargo, non se pode acceder aínda a equipos fóra desta rede.

Así, executando este comando pódese modificar a configuración actual das interfaces de rede do equipo, pero esta configuración non se manterá se se reinicia o equipo ou o servizo de rede. ¿Como se consegue entón que os cambios realizados nas ferramentas das distribucións ou co webmin si perduren despois de apagar o equipo?. O que fan estas ferramentas é gardar os datos en ficheiros de configuración para executar o comando ifconfig cando se inicie o equipo. Este ficheiro é:
'''/etc/network/interfaces'''

=== ifdown / ifup ===
* '''Descrición''': desactiva/activa interfaces de rede.
* '''Sintaxe''':
ifdow / ifup [-a] [interface]

* '''Opcións principais''':
'''-a''': desactiva/activa tódalas interfaces marcadas como auto no ficheiro /etc/interfaces 
'''interface''': Indicar o nome dunha interfaz de rede do equipo 

* '''Exemplo''': desactivar a interface eth0:
ifdwon eth0</pre>

=== route ===

* '''Descrición''': Mostra e modifica as entradas da táboa de enrutamento do equipo para poder ter acceso a internet.
* '''Sintaxe''':
route [-CFvnee]
route [-v] [-A family] add [-net|-host] target [netmask Nm] [gw Gw] [metric N] [mss M] [window W] [irtt I] [reject] [mod]
[dyn] [reinstate] [[dev] If]
route [-v] [-A family] del [-net|-host] target [gw Gw] [netmask Nm] [metric N] [[dev] If]
route [-V] [--version] [-h] [--help]
* '''Opcións principais''':
'''del''': Borra unha ruta
'''add''': Engade unha ruta
'''target''': Rede ou máquina destino á que queremos chegar
'''-net|-host''': Indica se o destino é unha rede ou unha máquina
'''netmask máscara''': Máscara de rede para a ruta
'''gw seguinte''': Dirección IP do router ao que se deben enviar os paquetes para o destino indicado

*'''Exemplo''' cal é a dirección da porta de enlace que nos une co exterior?. Utilizaremos o comando route para configurala:
route add default gw 10.0.0.1 eth0

Así, executando este comando pódese modificar a configuración actual das interfaces de rede do equipo, pero esta configuración non se manterá se se reinicia o equipo ou o servizo de rede. Sucede o mesmo que con ifconfig. Para que a porta de enlace sexa permanente hai que almacenala no ficheiro:
'''/etc/network/interfaces'''

== Coñecer a configuración da rede ==
O comando ''ifconfig'' amosa información sobre os interfaces de rede e a súa configuración. Os interfaces:
*'''eth0, eth1,''' etc. son as tarxetas de rede ethernet instaladas no sistema.
*O interface '''lo''' (loopback) é unha tarxeta de rede virtual que lle permite ó equipo conectarse consigo mesmo (o seu enderezo IP soe ser 127.0.0.1), e xeralmente responde ó nome de Localhost.
*Os interfaces '''wlanX''' son as tarxetas de rede inarámicas.

Cada interface pode estar activa ou inactiva. Cando se inicia o sistema, activaranse as interfaces que se indiquen no arquivo '''/etc/network/interfaces''' mediante o parámetro '''auto'''.

Pódense activar ou desactivar as distintas interfaces perante a execución do sistema cos comandos: '''ifconfig, ifup''' ou '''ifdown'''.

[[Imagen:Platega_U910_Server_Rede_01.jpeg|500px]]

Neste caso, o sistema ten tres interfaces (eth0, eth1, lo), pero só amosa os que están activos (lo e eth0), neste caso activáronse no arranque do sistema. Para realizar o curso non é preciso dispor de 2 interfaces ethernet, so os ten o equipo do curso para usalo como exemplo.

Có comando ''ifconfig'', pódese coñecer o enderezo IP, a máscara, broadcast, o enderezo MAC, etc.

Executando ''ifconfig -a'' amósase a configuración de tódalas interfaces do sistema estean ou non activas. Nótese como agora amosa tamén o interface eth1.

[[Imagen:Platega_U910_Server_Rede_02.jpeg|500px]]

Executando '''ifconfig <interface>''' amósase a configuración dunha interface concreta:

[[Imagen:Platega_U910_Server_Rede_03.jpeg|500px]]

== Cambiar a configuración de rede do servidor==
A configuración da rede, asignar unha IP a unha interface ou cambiala pódese facer a través da:
*execución do comando '''ifconfig''' ou
*edición do ficheiro '''/etc/network/interfaces'''.

Para editar o ficheiro de configuración das interfaces de rede.
<pre>
sudo nano /etc/network/interfaces
</pre>

<gallery caption=''Configuración da rede'' widths="400" heights="300px" perrow="2">
Imagen:Platega_U910_Server_Rede_04.jpeg| Executar ''sudo /etc/network/interfaces''.
Imagen:Platega_U910_Server_Rede_05.jpeg| O ficheiro ''/etc/network/interfaces'', contén a configuración de cada interface de rede. '''eth0''' ontén a configuración IP e de DNS por DHCP.
Imagen:Platega_U910_Server_Rede_06.jpeg| Cambiar para eth0 a obtención da configuración IP a '''estatic'''. Configurar o enderezo IP, a máscara e a porta de enlace.
Imagen:Platega_U910_Server_Rede_07.jpeg| Premer en CTR+X para saír e escribir ''Si', para gardar os cambios.
Imagen:Platega_U910_Server_Rede_08.jpeg| Deixar o nome de ficheiro que indica o editor.
Imagen:Platega_U910_Server_Rede_09.jpeg| Ficheiro gravado.
</gallery>

=== Activar a nova configuración IP do servidor===
Aínda que se modifique o ficheiro, a nova configuración non terá efecto ate que, se faga unha das tres cousas seguintes:
*'''Se reinicie o sistema''', pois aí lese o ficheiro e eth0 configuraríase cos novos prámetros.
*'''Se desactive e active o interface de rede''' (neste caso eth0). Para iso úsanse os comando ''ifdown'' e ''ifup''.
*'''Se reinicie o servizo de rede'''. Reiniciando o demo(servizo) de rede este, párase e vólvese a iniciar, momento no que volve a ler o ficheiro etc/network/interfaces. Sobre servizos hai unha sección posterior, onde se explica o seu funcionamento.

A vantaxe da 2ª opción é que só se ve afectada a interface en cuestión e non todo o servizo de rede con tódalas posibles interfaces que estiveran activas. Na terceira opción, se hai varias interfaces de rede activas e só se desexa modificar unha delas, veríanse todas afectas e por un intre o equipo tería tódalas interfaces desactivadas.

<pre>
sudo ifdown eth0, para parar o interface eth0.
sudo ifup eth0, para levantar a interface eth0 coa configuración que haxa no ficheiro /etc/network/interfaces
</pre>

<gallery caption=''Activar a nova configuración de rede'' widths="350" heights="300px" perrow="2">
Imagen:Platega_U910_Server_Rede_10.jpeg| Executar ''sudo ifdwon eth0'', para a tarxeta eth0.
Imagen:Platega_U910_Server_Rede_11.jpeg| Executar ''sudo ifup eth0'', activa a tarxeta eth0.
Imagen:Platega_U910_Server_Rede_12.jpeg| ''ifconfig eth0'' amosa a configuración de eth0 cos novos valores.
Imagen:Platega_U910_Server_Rede_13.jpeg| ''route'': amosa a porta de enlace que ten configurada o sistema e que se leu do ficheiro ''/etc/networt/interfaces''.
</gallery>

=== Configurar o cliente DNS do server00 ===
Se se quere saír con conexión a internet, cada quen debe configurar o seu equipo de acordo ós parámetros DNS que indique o Provedor de Servizos de Internet (ISP).

<pre>
sudo nano /etc/resolv.conf
</pre>

<gallery caption=''Configurar o cliente DNS'' widths="350" heights="300px" perrow="2">
Imagen:Platega_U910_Server_Rede_14.jpeg| ''sudo nano /etc/resolv.conf'' para editar o ficheiro.
Imagen:Platega_U910_Server_Rede_15.jpeg| En search, púxose a modo de exemplo ''edu.xunta.es''. Neste caso o server usa un servidores DNS internos. Saír do editor e gardar os cambios. Estes son efectivos no momento de gardar o ficheiro, sen ter que reiniciar nada.
Imagen:Platega_U910_Server_Rede_16.jpeg| Facendo '''ping www''' o equipo busca en ''/etc/resolv.conf'' se hai definido algún dominio de busca que concatenarlle ó nome de equipo. Por iso, o equipo fai ping a www.edu.xunta.es. O ping párase premendo CTRL+C.
Imagen:Platega_U910_Server_Rede_17.jpeg| ''route'': amosa a porta de enlace que ten configurada o sistema e que se leu do ficheiro ''/etc/networt/interfaces''.
</gallery>

=== Activación da rede mediante reinicio de servizo ===
Os servizos que se están executando no sistema está todos no directorio '''/etc/init.d'''. Para cada servizo nese directorio hai un script que se pode lanzar, parar, reiniciar ou comprobar o seu estado. Nunha sección posterio afondarase sobre iso.

Neste caso se en vez de aplicar a nova configuración da rede con ifdown/ifup vaise facer reiniciando todo o servizo de rede, co cal vanse ver afectadas tódalas interfaces que teña o sistema:

Reiniciar o servizo de rede (o script chámase '''networking''').
<pre>
sudo /etc/init.d/networking restart
</pre>

[[Imagen:Platega_U910_Server_Rede_17.jpeg|500px]]

== Configuración da IP e DNS do Cliente==
O cliente unha vez instalado, ten configurada a IP por usuario e non por equipo. No curso de Ubuntu Desktop hai dúas seccións onde se indica como configurar a rede. Ademais desas seccións tamén se pode configurar a súa IP como se fixo no server a través dun terminal.
*[[Configuración básica da rede]] do cliente. Cada quen que adapte o que se explica no material ós [[Obxectivos e escenario da Parte I]] ou as súas circunstancias.
*[[Configuración IP en Ubuntu 8.10. Nome de equipo. Conectividade| Configuración IP]] do cliente. Cada quen debe adaptarse ós [[Obxectivos e escenario da Parte I]] e as súas circunstancias, para que se poida ter conexión co servidor e con internet.

== Comprobación de conectividade entre os equipos==
A seguinte imaxe amosa un terminal aberto no cliente facendo un '''ping''' á IP do servidor.
[[Imagen:Platega_U910_Server_Rede_18.jpeg|500px]]

-- [[Usuario:antonio| Antonio de Andrés Lema]] e [[Usuario:Carrion| Carlos Carrión Álvarez]] -- (28 feb 2010).

Configuración da rede - Historial de revisiones

Carrion en 17:29 19 abr 2014