PDM Avanzado Práctica a entregar

Introdución

Para avaliar ao profesorado que sigue o curso en Platega propóñense dúas opcións:

ou ben facer as tarefas indicadas en Platega para cada unha das unidades didácticas
ou facer unha aplicación completa que se indica a continuación aplicando os conceptos aprendidos en cada unha delas.

Na plataforma Platega entrégase ao alumnado o proxecto da aplicación coa parte da interface xa feita, quitando todo o código que teña que ver có contido das diferentes unidades didácticas.

A aplicación instalable é a seguinte: Media:DiarodeViaxe.apk.

Se se instala nun AVD este ten que ter unha imaxe coa versión Google API como está comentado neste enlace. Está probada nun Google Map API 21.

O proxecto Android inicial baleiro da aplicación está na plataforma Platega e no seguinte enlace: [[Media:]] (Por agora dispoñible só na plataforma Platega ou Mestre do IES San Clemente)

Cando se importa o proxecto hai que resolver unha referencia á librería 'android-support-v7-appcompat', porque está cun sdk-mínimo inferior da API 16.

Para facelo:

Resolver referencia errónea
Debemos ir ás propiedades do proxecto importado.
Debemos escoller na parte esquerda a opción Android e na parte dereita a versión API 21 e na parte baixa (isto só é necesario se hai unha cruz vermella) premer Remove e despois engadila, premendo Add.

Se non está dita librería ('android-support-v7-appcompat') no voso proxecto:

Resolver referencia errónea
Primeiro descargar o Android Support Library dende o SDK Manager.
Escoller a opción de menú File => Import de Eclipse e escoller a opción Existing Android Code into...
Prememos o botón de Browse e navegamos ata o SDK/Extras/Android/Support/v7/appcompat/.
Facemos check na opción 'Copy proyect...' e prememos o botón de Finish.

Se aparece unha cruz vermella na librería hai que ir ás propiedades (botón dereito sobre a librería => properties), e na sección Android escoller como Proyect Build Target a versión de Android 5.0.1 (API 21).

Facer un Clean de todos os proxectos (opción de menú Proyect => Clean de Eclipse).

Comentar que o alumno ten total liberdade para modificar a funcionalidade e aparencia da aplicación así como o SDK mínimo, con tal que implemente as funcionalidades correspondentes de cada unidade didáctica.

Agora explicaremos o funcionamento.

Obxectivo da práctica

O obxectivo da aplicación é ter un diario de viaxe no que gardar os lugares que visitamos. Dentro de cada lugar podemos:

Gardar fotos.
Gardar coordenadas GPS. Por exemplo, se facemos unha ruta andando podemos gardar os puntos máis interesantes da mesma.
Gardar audios gravados (e reproducilos).

Tamén podemos visualizar un mapa de Google Map unindo mediante liñas rectas os puntos GPS que teña rexistrado un lugar e ademais amosa a posición actual do usuario.

Pantallas

Pantalla de presentación

Nome da clase no proxecto entregado: Presentacion.java

Pantalla na que aparece unha animación e unha música.

Debemos premer o botón 'Adiante'. Esta pantalla está totalmente feita.

Pantalla Principal

Nome da clase no proxecto entregado: Principal.java

Permite ir ás diferentes pantallas que conforman a aplicación e que ten na parte superior dúas opcións de menú:

Opción de menú Descargar: Descargar un arquivo XML dende Internet: Media:Platega_pdm_rutas.xml

Dito arquivo analízase e engádense os lugares á base de datos.

Opción de menú Preferencias: Indicamos a coordenada (latitude e lonxitude) na que queremos que nos situemos no mapa cando o abramos. Ten que estar a opción de checkbox activada. En caso contrario situarase na última posición coñecida, ata recibir nova información polo GPS. Usamos unha pantalla de preferencias.

Nome da clase no proxecto entregado: /res/xml/pantalla_preferencias.xml

O alumno terá que implementar a pantalla de preferencias e programar a súa funcionalidade na pantalla do mapa (XestionMapa.java).

Pantalla Alta Lugar

Nome da clase no proxecto entregado: AltaLugar.java

Pantalla que da de alta un novo lugar na base de datos.

Os campos necesarios son o nome do lugar e unha descrición.

Unha vez prememos o botón de alta, debemos engadir á base de datos o lugar.

Ao engadilo:

Obteremos o identificador do lugar (clave autonumérica) que teremos que pasar no Intent á seguinte pantalla (AltaRecordos.java) xunto co nome do lugar.
Creamos os seguintes cartafoles:

/SD_CARD/DIARIO_DE_VIAXE/NOME_LUGAR/IMAXES => Onde se gardarán as imaxes.
/SD_CARD/DIARIO_DE_VIAXE/NOME_LUGAR/AUDIOS => Onde se gardarán os audios.

Pantalla Alta Recordos

Nome da clase no proxecto entregado: AltaRecordos.java

A esta pantalla podemos vir dende a pantalla 'Lista Lugares' ou dende a pantalla 'Alta Lugar'. As dúas mandarán no Intent o id do lugar e o nome.

O obxectivo desta pantalla é a de gardar as fotos / audio / coordenadas GPS asociados ó lugar.

Na parte inferior (en forma de botóns) temos todas esas opcións.

Ó gravar un audio se gardará en /SD_CARD/DIARIO_DE_VIAXE/NOME_LUGAR/AUDIOS e se refrescará a lista de audios.
Ó obter unha foto se gardará en /SD_CARD/DIARIO_DE_VIAXE/NOME_LUGAR/IMAXES e se refrescará o horizontalScrollView (control que visualiza as imaxes).
Ó gravar unha coordenada GPS se engadirá a lista de coordenadas e a base de datos. O envío de coordenadas 'falsas' de GPS está explicado na Unidade de Xeolocalización.

Pantalla Lista Lugares

Nome da clase no proxecto entregado: ListaLugares.java

Aparecen nunha lista a lista de lugares da base de datos.

Ó manter premido sobre un lugar aparece o seguinte menú emerxente (/res/menu/menulistalugares.xml):

Detalle lugar: Volvemos á pantalla de 'Alta Recordos' amosando os datos do lugar escollido.
Mapa lugar: Aparece un mapa de google map onde, se está activado o GPS, aparece unha icona indicando o nosa posición e ademais aparecen unidos os puntos GPS rexistrados para ese lugar.
Borrar lugar: Dá de baixa o lugar seleccionado. Bórrao da base de datos e da SD externa (/SD_CARD/DIARIO_DE_VIAXE/NOME_LUGAR).

Pantalla Mapa Lugar

Nome da clase no proxecto entregado: XestionMapa.java

Aparece un mapa de google map onde, se está activado o GPS, aparece unha icona indicando o nosa posición e ademais aparecen unidos os puntos GPS rexistrados para ese lugar.

Base de datos

A base de datos xa se atopa creada no cartafol /assets/ do proxecto.

O alumno terá que (explicación dada na unidade de Datos Persistentes) copiar, sempre que non exista, dita base de datos ó cartafol /data/data/nome_paquete/databases/. Isto se fará na activity Principal.

A base de datos consta das seguintes táboas en SQL:

Táboa LUGARES:

CREATE TABLE LUGARES ( 
    _id         INTEGER         PRIMARY KEY ASC AUTOINCREMENT,
    nome        VARCHAR( 200 )  NOT NULL,
    descripcion VARCHAR( 800 ) 
);

Táboa COORDGPS:

CREATE TABLE COORDGPS ( 
    _id       INTEGER PRIMARY KEY AUTOINCREMENT,
    latitude  REAL,
    lonxitude REAL,
    _id_lugar INTEGER REFERENCES lugares ( _id ) ON DELETE CASCADE
                                                 ON UPDATE CASCADE 
);

-- Ángel D. Fernández González e Carlos Carrión Álvarez -- (2014).