Escenario 1.D - Configuración de DNS dinámico: DDNS

Introdución

Sería interesante que o servidor DHCP actualizase no servidor DNS as concesións que vai ofrecendo, tanto na zona de busca directa iescalquera.local como na zona de busca inversa 5.16.172.in-addr.arpa.

Ese proceso coñecese co nome de DNS dinámico (DDNS): http://es.wikipedia.org/wiki/DNS_dinámico

Nesta sección configurarase dserver00 para que o servizo DHCP actualice automaticamente no servizo DNS as concesións de IP que vai realizando e a quen.

A seguinte imaxe amosa o escenario a implantar. Séguense conservando todas as funcionalidades dos escenarios anteriores, pero por non sobrecargar a imaxe imos deixala só co que afecta a este escenario.

Para que o servizo DHCP poida actualizar no servizo DNS precisamos xerar unha chave secreta que compartan os dous servizos para que o servizo DNS confíe no servizo DHCP que está tratando de introducir rexistros nas súas zonas.

Configuración de DDNS no servidor

Comezaremos creando unha chave secreta.
Asignaremos esa chave as zonas DNS e ao servizo DHCP.
Como sempre ao servidor dserver00 conectámonos dende ssh/putty para poder copiar/pegar dun xeito máis sinxelo.

Configuración DDNS en dserver00
Para xerar a chave secreta usamos ddns-confgen -a hmac-md5 -z iescalquera.local -r /dev/urandom. Obtemos unha chave secreta que ...
... debemos copiar.
Creamos con nano un ficheiro onde gardala, por exemplo en /etc/bind/ddns.key. Observar o nome que lle puxemos á chave (CHAVE-DDNS). Pode ser calquera nome, pero ese nome hai que usalo despois.
Facemos que a ese ficheiro só acceda root e o grupo bind, permisos 540.
Editamos o ficheiro onde temos definidas as zonas /etc/bind/named.conf.local.
Incluímos na configuración o ficheiro anterior coa cláusula include.
En cada zona metemos a entrada allow-update {key CHAVE-DDNS;}; . Ollo con tódolos ";" que hai.
Tócalle agora a quenda ao servizo DHCP. No ficheiro de configuración /etc/dhcp/dhcpd.conf modificar a entrada ddns-update-style de none a interim para que trate de actualizar as concesións no servizo DNS.
Engadir as entradas:
ddns-domainname nome de dominio para indicar o nome do dominio onde realizar as actualizacións.
update-static-leases on para que tamén actualice no servizo DNS as concesións de IP que se fan con reservas.
Na reserva para o equipo uclient02 engadir o nome que se debe rexistrar no servizo DNS coa entrada: ddns-hostname "uclient02";
No mesmo ficheiro engadir ao final un include do ficheiro da chave e as 2 zonas indicando a IP de quen as xestiona (neste caso o mesmo servidor 127.0.0.1) e a chave secreta a usar para cando o servizo DCHP desexe realizar unha actualización en cada unha das zonas.
Reiniciamos os servizos DHCP e DNS.

include "/etc/bind/ddns.key";

zone iescalquera.local. {
        primary 172.16.5.10;
        key CHAVE-DDNS;
}

zone 5.16.172.in-addr.arpa. {
        primary 172.16.5.10;
        key CHAVE-DDNS;
}

Configuración no cliente

No cliente non hai moito que facer, salvo volver renovar a concesión da IP para que o servizo DHCP comece a actualizar no servizo DDNS.

Configuración DDNS en uclient02
Renovamos a IP de eth0 con dhclient. Tamén poderíamos reiniciar o servizo NetworkManager, reiniciar o equipo, etc. Volvemos a ter a mesma IP da reserva. Pero ...
... Sen facer nada podemos facer un ping uclient02.iescalquera.local e obtemos unha resolución DNS afirmativa. Isto é, o equipo uclient02 foi dado de alta no servizo DNS polo servizo DHCP no momento de realizar a concesión da configuración IP.
O mesmo pasa se só poñemos o nome de equipo. Observar como se completa co sufixo DNS iescalquera.local.

Efectos das actualizacións no servidor

Imos ver que se esconde detrás desas actualizacións automáticas do servizo DHCP no servizo DDNS.

Efectos da actualización
Se observamos os ficheiros creados por nós das zonas DNS /var/cache/bind/db.* veremos que non hai cambios.
Esas actualizacións gárdanse nun ficheiro binario para cada zona nun ficheiro con extensión .jnl.
Se reiniciamos o servizo DNS ou executamos rndc freeze actualizaranse os ficheiros de texto das zonas creadas por nós.
Aquí vemos actualizado o ficheiro asociado á zona directa iescalquera.local onde vemos que que está dado de alta o equipo uclient02.
O mesmo pasa co ficheiro de busca inversa.