Aplicación a desenvolver U2 A

Introdución

A seguinte aplicación é unha única Activity que resume parte do visto na Unidade 2.
Hai deseño de distintas vistas, Internacionalización e distintos deseños en apaisado e vertical.

Usar o seguinte nome, U2_A_<Teu nome de pila>, para nome do:
- Proxecto
- Activity

Para facilitar o seguimento da aplicación axúntase o apk para que se se poida instalar e probar.
- Observar o nome: U2_A_Teacher
- Aplicación: Media:U2_A_Teacher.apk ‎
Observar que esta aplicación

Comezar antes de nada polo deseño.
Tratar de aproximarse ao deseño das pantallas que se amosan a continuación.
- Posicións dos elementos:
  - Non se usou ningunha marxe, posición a lume, etc.
  - Só se usou un recheo no layout principal de 16dp.
Cores:
- Usáronse as cores básicas

Observar
- Non hai imaxe
- Só queda unha liña de división con respecto ao deseño en vertical
- Os elementos que contén realizan a mesma función que realizan cando o dispositivo en vertical.

Cando se traduzan os elementos de Inglés a Español e Galego, observar que nestes 2 idiomas hai "ñ" e tiles.
As traducións deben estar en recursos XML non en código Java.

En todo momento pódese probar a aplicación que se facilita para comprobar o funcionamento de cada bloque.

No TextEdit vaise introducir texto que se vai engadir á etiqueta de cor vermello (mirar que método permite engadir).
- A etiqueta de cor vermello ao lanzar a aplicación ten texto, pero unha vez que se limpa, xa non ten texto.
Cando Se Introduce O Texto, Este Ter A Primeira Letra En Maiúsculas De Xeito Automático.
Se prememos no botón Engadir/Limpar:
- Engádese o texto do TextEdit ao que haxa na etiqueta Vermella (haxa texto ou nada, para comezar de novo).
- Tamén se baleira o TextEdit.
Seguimos Engadindo Texto
O novo texto engadido á etiqueta, pero ademais:
Os RadioButtons permítennos cambiar a cor da etiqueta.
Para facer uso en Java do recurso XML que define a cor, podemos usar: getResources().getColor(R.color.Nome_da_Cor)
Se marcamos o Checkbox superior Limpar e prememos o Botón Engadir/Limpar ...
... este botón agora cambia o seu comportamento e limpa a etiqueta vermella.
Mentres non se desmarque o Checkbox, por moito texto que se introduza no TextEdit non se engade nada á etiqueta.
Se desmarca o Checkbox e se engade texto, ese texto será o texto polo que comece a etiqueta.
Observar que ao lanzar a aplicación a etiqueta xa tiña un texto que non se limpou até que se marcou o Checkbox.

Este Spinner fai algo moi sinxelo, indica se a provincia seleccionada é galega ou non:
Usarase un Toast para indicar a pertenza da provincia seleccionada
Como vamos ter que usar un Listener e o seu contexto vai ser distinto ao da aplicación que lanza, temos que usar o método getBaseContext() para indicarlle ao Toast o seu contexto.
Ollo que as mensaxes o Toast debe adaptarse ao idioma escollido polo usuario.
As provincias en Inglés non deben ter tiles.

Para definir a View no layout:
- limitouse o alto e ancho da imaxe
- e ademais usouse o atributo scaleType.

Escolle unha imaxe característica da tua zoa de nacemento ou de residencia e úsaa para a aplicación.

Cando se activa o cronómetro (co botón Switch) este comeza a contar e cando chega a 15 segundos destrúe a Activity.
Se se para o cronómetro este ponse a cero.
- Ollo!! que para iso antes de paralo hai que volver a establecer o tempo base para o cronómetro.
Se se usa o botón Switch, non chega con usar o atributo onClick da View no Layout, pois este control tamén se desliza que é distinto a a facer click.
Para poder capturar o "deslizamento", ó único que podemos controlar e o cambio de estado e para iso precisamos usar un Listener: setOnCheckedChangeListener.